संत निवृत्तीनाथ आरती
sant-nivruttinath-aarti
।। सदगुरु श्री संत निवृत्तीनाथ आरती ।।
निवृत्तिनाथ स्मरणे सुख शांती पावलो
निर्विकार स्वयंभू ज्योति हृदयी पाहिलो ।
आरती ओवाळीन श्रीगुरू निवृत्ति चरण
अविनाश परब्रह्म शिव अवतारपूर्ण ।
आरती ओवाळीन ।। १ ।।
नवविधा नवभक्ति उजळोनी आरती ।
निवृत्ति मुगुटमणि ज्ञान पाजळल्या ज्योती ।।
आरती ओवाळीन ।। २ ।।
ब्रम्हगिरी त्रिकुटासनी अविनाश समाधी ।
उन्मनी साधियेली सांडुनिया उपाधी ।।
आरती ओवाळीन ।। ३ ।।
आगमानिगमांसी तुमचा न कळेची पार ।
तुमच्या दर्शनमात्रे उद्धरती नारी नर ।।
आरती ओवाळीन ।। ४ ।।
निवृत्ति निगमता चिंतामणी निरंतर ।
ज्ञानदेव तेथे उभे दोन्ही जोडोनी कर ।।
आरती ओवाळीन ।। ५ ।।
