अभंग,संत जनाबाई – दशावतारवर्णन
sant-janabai-abhang-dasavataravarnan
||संत जनाबाई अभंग – दशावतारवर्णन ||
३४२
ऐसा हा देवानें थोर पवाडा केला। पूर्व अवतारी झाला हयग्रीव ॥ १॥
मग अंबऋषीसाठी पडियेला संकटीं । मच्छ झाला पोटीं समुद्राच्या ।। २ ।।
होउनी कच्छप पर्वत धरिला । वराहे मारिला दैत्य भार ।।३॥
तयाचा सहोदर मृत्यु नाहीं ऐसा वर तेव्हां अवतार नारसिंह झाला ||४||
अर्धनारी नटेश्वर दुसरा तो वामन । भार्गव ते निधान दाशरथी ||५||
होऊनियां कृष्ण कंस वधियेला । आतां बुद्ध झाला सखा माझा ॥६॥
लीला अवतारीं हरि करी खेळ नाना म्हणे जनी जाणा तें मी होत्यें ।।७।।
