happy-republic-day
||”प्रजासत्ताक दिन साठी मराठी शुभेच्छा आणि प्रेरणादायी उद्धृत्ये”||
भारताचा प्रजासत्ताक दिन २६ जानेवारीला साजरा केला जातो. १९५० साली भारताचे संविधान लागू होऊन देशाला प्रजासत्ताक राष्ट्र म्हणून मान्यता मिळाली, आणि त्यानंतर दरवर्षी हा दिवस मोठ्या धुमधडाक्यात साजरा केला जातो. या दिवशी भारताच्या लोकशाहीचे प्रतीक असलेले भारतीय संविधान सार्वभौमपणे स्वीकारले गेले.
दिल्लीतील राजपथावर आयोजित भव्य परेडमध्ये भारतीय सैन्य, विविध राज्यांची सांस्कृतिक झांकी, शौर्य पुरस्कार विजेते आणि नागरिकांचा सन्मान करण्यात येतो. या कार्यक्रमांद्वारे देशातील विविधता, एकात्मता आणि संस्कृतीचे सुंदर दर्शन घडवले जाते. तसेच, भारतीय स्वातंत्र्य संग्रामातील शूर वीरांचा आदर व्यक्त करण्यात येतो.
प्रजासत्ताक दिन हा देशाच्या सार्वभौमत्वाचा, एकतेचा आणि लोकशाही मूल्यांचा प्रतीक असतो. भारतीय संविधानाचे महत्त्व आणि लोकशाहीचे मूल्य या दिवशी पुनःप्रस्थापित होते. प्रत्येक भारतीय नागरिकाला देशाच्या प्रगतीमध्ये आपली भूमिका समजून एकजुट होण्याची प्रेरणा मिळते. शाळा, महाविद्यालये आणि सरकारी कार्यालयांमध्ये या दिवशी ध्वजवंदनाचा कार्यक्रम आणि विविध सांस्कृतिक कार्यकम आयोजित केले जातात.
“प्रजासत्ताक दिनाच्या गोड शुभेच्छा संदेश आणि विचार”
“आपण एकमेकांचा आदर करत, आपल्या देशाचा गौरव वाढवण्याची शपथ घेऊया… प्रजासत्ताक दिनाच्या हार्दिक शुभेच्छा!”
“देशाने आपल्यासाठी काय केलं हे विचारण्यापेक्षा, आपल्याला देशासाठी काय करता येईल हे विचारलं पाहिजे… प्रजासत्ताक दिनाच्या शुभेच्छा!”
“आपल्या पूर्वजांनी आपल्याला एक अमूल्य इतिहास दिला आहे… तो इतिहास आपण सदैव जतन केला पाहिजे… प्रजासत्ताक दिनाच्या शुभेच्छा!”
“आपल्या देशात असलेल्या विविधतेचं सन्मान करत, त्याला कायम टिकवून ठेवण्याची जबाबदारी आपली आहे. देशात सलोख्याचं वातावरण निर्माण होवो. प्रजासत्ताक दिनाच्या हार्दिक शुभेच्छा!”
“प्रजासत्ताक दिनाच्या हार्दिक शुभेच्छा संदेश”
“देशभक्ती म्हणजे केवळ एका छोट्या कारणासाठी बलिदान देण्याचा अधिकार. प्रजासत्ताक दिनाच्या हार्दिक शुभेच्छा!”
“स्वर्गापेक्षाही प्रिय आमच्या भारत देशाला! विविध जाती आणि संस्कृती असलेल्या आपल्याला एकच धागा बांधतो – आपण सारे एक आहोत.”
“गांधीजींचा स्वप्न सत्यात उतरला आणि म्हणूनच आपल्या देशाने गणराज्य बनवले.”
“भारत माता, तुझ्या पायाशी कोटी वंदन! तुझ्या रक्षणासाठी आम्ही काहीही करण्यास तयार आहोत.”
“सीमेवर जवान आपल्या प्राणाची आहुती देतात; आम्ही पण त्याचप्रमाणे आपल्या देशाच्या संविधानाचे रक्षण करूया.”
“गणतंत्र दिवस म्हणजे फक्त एक दिवस नाही, तर त्याच दिवशी आपल्या देशात मोठे बदल घडले आहेत. जर तुम्हाला गणराज्य दिनाचे महत्त्व माहिती नसेल, तर आजच जाणून घ्या.”
“तुम्ही तुमचा वाढदिवस विसरू शकता, परंतु 15 ऑगस्ट आणि 26 जानेवारी कधीच विसरू नका. हे आपल्यासाठी अत्यंत महत्त्वाचे दिवस आहेत.”
मातृभूमी ही अजिंक्य.. विश्वात साऱ्या वंद्य संस्कृती ,
कण कण मातीचा बोले हर्षे, विश्वास प्रेम इथे नांदती
संपन्न इतिहास अन, युवकात प्रखर राष्ट्रप्रेम जागृती
हर मनात हृदयात अन, हुंकार एकमेव जय भारती ||
असा भारत हवाय … जिथे सगळ्यांची जास भारतीय असेल
धर्म देश प्रेम उच्च नीच भेदभाव सीमा पार असेल
नातं असेल भारतीयत्वाचा…
सुख शांती समाधान मिळेल
शत्रूचा थरकाप उडवील.. एवढी विचारांना धार असेल
प्रत्येक भारतीयाचा अन्यायावर होणारा वार असेल
जगातल्या प्रत्येक व्यक्तीच्या मनात भारताविषयीचा आदर असेल
पोहायचे असेल तर समुद्रात पोहा
नदी नाल्यात पोहण्यात काय अर्थ आहे
प्रेम करायचे असेल तर देशावर करा
कारण लोकं फसवतील पण देश तुम्हाला कधीही फसवणार नाही
स्फूर्ती देतिल हेच आमुचे राम कृष्ण हनुमान
व्यासादिक मुनिवरे गाइला
संत महंते पावन केला
प्रताप शिवबाने गाजविला
सुखसमृध्दिनिधान
चिंतनि इतिहासाच्या दिसती
असंख्य नरवीरांच्या ज्योती
गाता स्वतंत्रतेची किर्ती
घडवू नव संतान
धर्मासाठी जीवन जगणे
समष्टिमध्ये विलीन होणे
सीमोल्लंघन दुसरे कसले
यासाठी बलिदान…
“प्रजासत्ताक दिनाच्या हार्दिक शुभेच्छा: स्वातंत्र्य आणि एकतेचा उत्सव”
झेंडा आमुचा प्रिया देशाचा
फडकत वरी महान
करितो आम्ही प्रणाम याला
करितो आम्ही प्रणाम
लढले गांधी याच्याकरिता
टिळक, नेहरू लढली जनता
समरधूरंधर वीर खरोखर
अर्पुनि गेले प्राण
करितो आम्ही प्रणाम याला
करितो आम्ही प्रणाम
भारतमाता आमुची माता
आम्ही गातो या जयगीता
हिमालयाच्या उंच शिरावर
फडकत राही निशाण
करितो आम्ही प्रणाम याला
करितो आम्ही प्रणाम
या देशाची पवित्र माती
जूळती आमुच्या मधली नाती
एक नाद गर्जतो भारता
तुझा आम्हा अभिमान
करितो आम्ही प्रणाम याला
करितो आम्ही प्रणाम
गगनावरी आणि सागरतिरि
सळसळ करिती लाटा लहरी
जय भारत जय, जय भारत जय, गाता ती जयगान
करितो आम्ही प्रणाम याला
करितो आम्ही प्रणाम
घडतोय बदल चढतेय वीटेवर वीट
मिटतेय गुलामीआपण होतोय धीट
उठत आहेत प्रश्नकुरवाळतोय शंका
अन्यायाविरुद्धकुणी वाजवतोय डंका
पसरतेय महितीहक्कासाठी भांडतोय
उलट सुलट का होईनात आपण विचार मांडतोय
घडवितोय देश आपलाअंतराळी इतिहास
उद्याच्या चैतन्यावरदृढ होतोय विश्वास
कोपर्‍यातल्या झोपडी मध्येप्रगतीची इच्छा दिसतेय
पुस्तकाच्या बाजारातही आशेची पालवी रुजतेय
भारतीय असण्याचा वाटेमनापासून अभिमान
बलाढ्य सुंदर समृद्ध स्वतंत्रमाझा भारत देश महान !!
बलसागर भारत होवो
विश्वात शोभुनी राहो॥
हे कंकण करि बांधियले जनसेवे जीवन दिधले
राष्ट्रार्थ प्राण हे उरले मी सिध्द मरायाला हो॥१॥
वैभवी देश चढवीन सर्वस्व त्यास अर्पीन
हा तिमिर घोर संहारीन या बंधु सहाय्याला हो॥२॥
हातात हात घालून ह्रदयास ह्रदय जोडून
ऐक्याचा मंत्र जपून या कार्य करायाला हो॥३॥
करि दिव्य पताका घेऊ प्रियभारतगीते गाऊं
विश्वास पराक्रम दावू ही माय निजपदा लाहो॥४॥
या उठा करु हो शर्थ संपादु दिव्य पुरुषार्थ
हे जीवन ना तरि व्यर्थ भाग्यसुर्य तळपत राहो॥५॥
ही माय थोर होईल वैभव दिव्य शोभेल
जगतास शांति देईल तो सोन्याचा दिन येवो॥६॥
खरा तो एकची धर्म जगाला प्रेम अर्पावे
जगी जे हीन अतिपतित, जगी जे दीन पददलित
तया जाऊन उठवावे, जगाला प्रेम अर्पावेजयांना ना कोणी जगती सदा ते अंतरी रडती
तया जाऊन सुखवावे, जगाला प्रेम अर्पावे.
या आपण नतमस्तक होऊ ज्यांच्यामुळे हा दिवस आपण पाहतो आहे
नशीबवान आहे हे रक्त जे देशाच्या कामी आलं आहे.
सलाम करा या तिरंग्याला
जी तुमची शान आहे…
मान नेहमी वर उंच ठेवा
जो पर्यंत प्राण आहे…
जय हिन्द, जय भारत…
